دورة php للمبتدئين الدرس السادس عشر


فهاد الدرس السادس عشر من سلسلة php للمبتدئين غادي نشوفوا كيفاش نتعاملوا مع ل include وrequire فل fonction include كتمكني باش نزيد أجزاء ملفات فملف واحد وهي واحد الحاجة مهمة لي كتمكن من انك تفرق الكود ديالك ونفس الوقت تسهل الخدمة ديالك نفس الشي بالنسبة ل require غير هو كاين فرق بيناتهم غادي نشوفوه فالدرس.


1- كيفاش نعرض التوقيت ف php

فباش نعرض التوقيت عندنا ل fonction date لي كتاخد :
- h لي هي الساعة من 01 ل 12.
- i لي هي الدقائق من 00 ل 59.
- s لي هي الثواني  من 00 ل 59.
- a لي هي am لي كتعني الصباح أولا pm لي كتعني لعشية.
التوقيت لي كيتعرض كيكون على حساب التوقيت الأوروبي يعني فايت المغرب بساعة الكود لي زدنا هو :

                                <?php
    //show time 
    echo date('h:i:sa');
?>
                            

2- كيفاش نغير time zone ف php

فباش نغير نطاق التوقيت باش نعرض التوقيت حسب الجهة لي فيها انا كاين ف php ل fonction date_default_timezone_set.
كتاخد القارة والمدينة فالمثال لي عندي عطيتها إفريقيا والمدينة دكار باش تعطينا GMT يعني التوقيت الموحد العالمي فكاين America وEurope غيرها ي يمكنلك تشوفها فهاد الرابط هنا.
 الكود لي زدت هو :

                                <?php
    //show time
    date_default_timezone_set('Africa/Dakar'); 
    echo date('h:i:sa');
?>
                            

3- كيفاش نزيد أجزاء ملفات باستعمال include ف php

فكيف قلنا فالمقدمة باش نزيد جزء للملف ديالي كنخدم ب include فالمثال لي عندنا زدنا ملف سميناه vars.php فيه des variables منبعد غادي نديرلو ل include فالملف ديالي لي هو index.php وغادي ن afficher les variables.
الكود ديال الملف vars.php هو :

                                //vars.php
<?php

$name = 'samadi';
$age = 30;
                            

4- عرض المتغيرات من الملف vars.php

فالملف index.php ملي كندير ل include للملف vars.php كيمكني ن afficher les variables لي عندي فيه وكنعرض الإسم والسن الكود ديال index.php هو :

                                    //index.php

<?php
    include('vars.php');
    echo $name.' '.$age;
?>
                                

5- كيفاش نزيد أجزاء ملفات باستعمال requireف php

فل fonction require كتدير نفس شي لي كتدير include الفرق لي بيناتهم :
- هو ان include يلا ملقاتش الملف كتكمل ال exécution ديال الكود - بينما require يلا ملقاتش الملف كتعرض رسالة خطأ بلي الملف مكينش ومكيتنفذش الكود.
فالمثال بدلت include ب require فغادي يعطيونا نفس النتيجة :

                                    //index.php

<?php
    require('vars.php');
    echo $name.' '.$age;
?>